Sunday, November 14, 2010

പ്രസ്ഥാനത്തിന് വഴിതെറ്റിയിട്ടില്ല

ജമാഅത്ത് പ്രവര്‍ത്തകരോട്-

നാം എന്ത് തെറ്റാണ് ചെയ്തത് - എല്ലാവരും ഇത്രമാത്രം നമ്മെ കുതിരകയറാനും പരിഹസിക്കാനും? 'വമാ നഖമൂ മിന്‍ഹും ഇല്ലാ അന്‍ യുഅ്മിനൂ  ബില്ലാഹില്‍ അസീസില്‍ ഹമീദ്' - അജയ്യനും സ്തുത്യര്‍ഹനുമായ അല്ലാഹുവില്‍ വിശ്വസിച്ചു എന്നതിനാണ് അവര്‍ ഇവരെ ശിക്ഷിച്ചത്. 

ചിന്തകള്‍ ഖുര്‍ആനിലേക്കും സുന്നത്തിലേക്കും മടങ്ങേണ്ട നിര്‍ബന്ധ സാഹചര്യമാണിത്. അല്ലാത്തവര്‍ തിരശ്ശീലയ്ക്ക് പിന്നോട്ട് നീങ്ങേണ്ടിവരും.

ഡല്‍ഹിയില്‍ ജമാഅത്ത് അംഗങ്ങളുടെ സമ്മേളനത്തില്‍ പങ്കെടുത്തു. വാസ്തവത്തില്‍ എന്തായിരുന്നു ആ സമ്മേളനം? മടക്കയാത്രയില്‍ ഞാന്‍ സഹയാത്രികരോട് ചോദിച്ചു: സമ്മേളനം കുറേ ഭാഗം ഉറുദുവിലായിരുന്നുവല്ലോ. നമ്മെ ഓരോരുത്തരെയും തൊട്ട് സ്വാധീനിച്ചത് സമ്മേളനത്തിലെ ഏതൊക്കെ കാര്യങ്ങളായിരുന്നു? പലരുടെയും മറുപടി 'പ്രതിജ്ഞ പുതുക്കല്‍' എന്നതായിരുന്നു. അല്ലാഹുവിനെ സാക്ഷിനിര്‍ത്തി എഴുന്നേറ്റുനിന്ന്, ഭക്തിസാന്ദ്രമായ അന്തരീക്ഷത്തില്‍ റബ്ബിനുവേണ്ടി മാത്രം, അവന്റെ ദീനിപ്രചാരണത്തിന് മാത്രം ശിഷ്ടജീവിതം - അതെത്ര വലുതാകട്ടെ, ചെറുതാകട്ടെ - ചെലവഴിക്കും എന്ന ആ മഹദ്പ്രതിജ്ഞ! അതോ, ഒരു മുസ്‌ലിമിനെ സംബന്ധിച്ച് ഈ പ്രതിജ്ഞയ്ക്ക് വലിയ സ്ഥാനമാണുള്ളത്. ആ പ്രതിജ്ഞ പതിനായിരത്തോളം വരുന്ന ഇന്ത്യയിലെ സംസ്ഥാന-കേന്ദ്രഭരണ പ്രദേശങ്ങളിലായി ജീവിച്ച്, പ്രബോധന-സേവന പ്രവര്‍ത്തനങ്ങള്‍ നടത്തുന്നവര്‍ക്ക് നല്‍കുന്ന ഊര്‍ജം ചില്ലറയല്ല. അതേ, മുന്നോട്ടുവെച്ച ഒരു കാലും ഇനി പിന്നോട്ടില്ല എന്നുറക്കെ പ്രഖ്യാപിക്കുകയായിരുന്നു ആ പ്രതിജ്ഞയിലൂടെ.

വിഷന്‍ 2016-നെപ്പറ്റിയുള്ള സിദ്ദീഖ്ഹസന്‍ സാഹിബിന്റെ റിപ്പോര്‍ട്ടുകള്‍ പ്രത്യാശാജനകമാണ്. ജലാലുദ്ദീന്‍ അന്‍സര്‍ ഉമരി! ഇമാറത്തിന് യോജിച്ച ആള്‍ തന്നെ - അല്‍ഹംദുലില്ലാഹ്. റബ്ബ് എല്ലാവരെയും അനുഗ്രഹിക്കട്ടെ, ആമീന്‍. സിംഹഗര്‍ജ്ജനം കണക്കെയുള്ള ആ വന്ദ്യവയോധികന്റെ പ്രസംഗം, അതിന്റെ സൗന്ദര്യം നേരിട്ടാസ്വദിക്കാനേ കഴിയൂ! ഖുര്‍ആന്‍ ആയത്തുകള്‍ അദ്ദേഹം അവതരിപ്പിക്കുന്ന രീതി! ഏത് അര്‍ത്ഥമറിയാത്തവനും എന്തെങ്കിലും ഒക്കെ മനസ്സിലാക്കിക്കൊടുക്കും. 'കല്ലാ' എന്ന പ്രയോഗം വന്ന ആയത്തുകളിലൂടെ അദ്ദേഹം നടത്തിയ സഞ്ചാരങ്ങള്‍! ഏതൊരാള്‍ക്കും മറക്കാനാവില്ല.

ഈ പ്രസ്ഥാനത്തിന് വഴിതെറ്റിയിട്ടില്ല എന്നുതന്നെ മനസ്സില്‍ ഉറപ്പും ശക്തിയും നല്‍കാന്‍ സമ്മേളനത്തിന് സാധിച്ചു. സമാധാനപരമായ മാര്‍ഗം തന്നെ ഏറ്റവും ഉത്തമവും പ്രവാചകചര്യയോട് യോജിച്ചതും എന്നും വ്യക്തമാക്കിത്തരുന്നു. നബി (സ) അനുഭവിച്ചയത്രയൊന്നും നാമനുഭവിക്കുന്നില്ലല്ലോ. തെരഞ്ഞെടുപ്പോടുകൂടി എല്ലാവരെയും മനസ്സിലാക്കാന്‍ കഴിഞ്ഞു. ശത്രുക്കള്‍ ആരാണെന്നും മിത്രങ്ങള്‍ ആരെന്നും സത്യവാന്മാര്‍ ആരെന്നും കപടന്മാര്‍ ആരെന്നും തിരിച്ചറിഞ്ഞു. 100 കൊല്ലം കഴിഞ്ഞാലും ഈ പ്രസ്ഥാനം വിജയിക്കുകതന്നെ ചെയ്യും. ഇന്‍ശാ അല്ലാഹ്. അച്ചടക്കഭദ്രമായ ഒരു സംഘം തന്നെ ഇതെന്നതും ഇന്ത്യയുടെ ഞരമ്പുകളിലൂടെ ഈ പ്രസ്ഥാനം ഒരു ഗ്ലൂക്കോസ് കണക്കെ സഞ്ചരിച്ചുകൊണ്ടിരിക്കുന്നുണ്ട് എന്നതും ഒരു പ്രവര്‍ത്തകനെ സംബന്ധിച്ച് ഏറ്റവും വലിയ ആത്മബലം പകര്‍ന്നുകിട്ടുന്ന കാര്യമാണ്.

വസ്സലാം.

7 comments:

  1. പോസ്റ്റ് വായിച്ചു.. നന്മകള്‍ നേരുന്നു.

    ReplyDelete
  2. Assalamuu Alaikum sister,

    I am delighted to see your post :) May Allah reward you.

    But may i bring something to your attention sister, that its not permitted in our deen to draw pictures of living beings? Just that i noticed your profile picture having been drawn a human face. Although there are disagreements on this topic, there does exist saheeh hadith which explicitly refer to its prohibition. I hope you'll study on the topic and correct it as our Lord may guide you.

    Anyways, i'm happy to see posts like this coming up on web :) May our Lord help us strengthen our faith and keep our feet firm in our deen.

    Ameen.

    By the way, do follow my blog here http://monalisagonewild.blogspot.com

    ReplyDelete
  3. സമ്മേളന അനുഭവങ്ങള്‍ കുറച്ചുകൂടി വിശദമായി ടീച്ചര്‍ എഴുതുമെന്നായിരുന്നു എന്റെ പ്രതീക്ഷ. ഇത് വളരെ ചെറിയ ഒന്നായിപ്പോയി. :-(

    ReplyDelete
  4. ഇനിയും എഴുതാം .... ഇന്ശ അല്ലഹ്........

    ReplyDelete
  5. Teacher nammude manassilekkanu blogukal ezhuthunnath...........Really touchable one..expecting more....

    ReplyDelete
  6. സമ്മേളന വിശകലനം വായിച്ചു. ആശംസകള്‍ നേരുന്നു.ഈ കമന്റ് ബോക്സിലെ വേഡ് വെരിഫിക്കേഷന്‍ ഒഴിവാക്കുന്നത് നന്നായിരിക്കും.

    ReplyDelete